AGAAT nədir?
Azərbaycan Gənclərinin Avro-Atlantika Təşkilatı (AGAAT) ümumi maraqlara sadiq olan və Azərbaycanın inkişafının təmin edilməsinə qərar verən, təşkilatın ümumi maraqları və məqsədlari
naminə və Azərbaycanın NATO və digər Avro-Atlantika təsisatları ilə dinamik inkişaf edən Tərəfdaşlığına töhfə verməyə hazır olan gəncləri bir- birinə yaxınlaşdıran qeyri hökumət təşkilatıdır.
AGAAT-ın məqsədləri
AGAAT aşağıdakı məqsədlərin həyata keçirilməsi üçün yaradılmışdır:
· Azərbaycanın NATO və digər Avro-Atlantika təsisatları ilə əməkdaşlığına töhfə vermək;
· NATO, Avropa Birliyi, Avropa Şurası və digər Avro-Atlantik institutlar haqqında ictimaiyyətin məlumatlandırılması;
· Təhlükəsizliyə qarşı yeni təhdidlərin doğurduğu təhlükələr fonunda Alyans və Avro-Atlantika Tərəfdaşlığının müasir roluna dair müzakirələr, dinləmələr və fikir mübadilələrinin aparılması üçün müxtəlif görüşlərin keçirilməsi;
· Yeni təhdid və təhlükələrlə mübarizə məqsədi daşıyan birgə səylərin həyata keçirilməsində gənclərin tükənməz imkanlarından yararlanmaq;
· Avro-Atlantik təhlükəsizlik sistemində Azərbaycanın mövqeyinin gücləndirilməsinə töhfə vermək;
· Öz dəyərlərini yüksək mənəvi əsaslar üzərində quran sabit və vahid cəmiyyətin qurulmasına təkan vermək;
· Təşkilat üzvlərinin intellektual və peşəkar bacarıqlarını inkişaf etdirmək, onların yeni məlumat və bilik mənbələrinə çıxış imkanlarını asanlaşdırmaq;
· Cəmiyyətin müxtəlif təbəqələrini Avro-Atlantika institutları və Azərbaycanın bu təşkilata qoşulması məqsədləri haqqında məlumatlandırmaq;
· Gənclərin Azərbaycanın Avro-Atlantika təsisatları ilə əməkdaşlığına yaxından cəlb edilməsini təmin etmək;
· Beynəlxalq ictimaiyyətin Azərbaycanın problemləri, ehtiyacları və məqsədlərini anlamasına yardım etmək;
· Ümumi dəyərlər, qanunun aliyi və insan hüquqlarına hörmət əsasında Azərbaycanın demokratik inkişafına yardım etmək;
· Azərbaycanın təhlükəsizlik siyasəti ilə baglı məsələlərə dair məlumatlar yaymaq vı müzakirələr təşkil etmək;
· Azərbaycan və beynəlxalq təhlükəsizlik məsələlərinə dair elmi tıdqiqat fəaliyyətinin təşvoq edilməsi;
· Beynəlxalq təhlükəsizlik siyasətinə həsr edilmiş forumlarda iştirak etmək;
· AGAAT-ın məqsədlərini dəstəkləyən, Azərbaycan və xaricdə fəaliyyət göstərən təşkilatlarla əməkdaşlıq etmək;
Təşkilatın işi necə qurulur?
İllik Baş Assambleya ( İBA) Təşkilatın yuxarı qərar qəbul edən orqanıdır. İllik Baş Assambleya sədr, baş katib, iki sədr müavini və 9 idarə heyətinin üzvlərindən ibarət AGAAT İdarə Heyətini seçir. İdarə heyəti İllik Baş Assambleyalararasi tədbirləri təşkil edir, qərarları və İllik Baş Assambleyaya göndərilən hesabatları təsdiq edir.
Nə üçün gənclər?
· Təşkilatın qarşısına qoyduğu bütün məqsədlər gənclərin rolunun xüsusi əhəmiyyəti nəzərə alınmaqla demokratik təşkilat prinsipləri əsasında həyata keçirilir;
· Mövcud Avro-Atlantik təhlükəsizlik məsələlərinə gənclərin marağınln artırılması;
· Avro-Atlantika məkanında sülhün, təhlükəsizliyin və demokratiyanın sərhədlərinin genişlənməsinə imkan yaratmaq üçün gənclərin tükənməz potensialından yararlanmaq;
· Azərbaycanın Avro-Atlantik strukturlara inteqrasiyası prosesinə yardım etmək və dəstək olmaq;
· Digər Avro-Atlantik strukturlar da daxil olmaqla, NATO və bu institutların Avro-Atlantika məkanında sülhün, təhlükəsizliyin və demokratik inkişafın bərqərar olunmasında rolu haqqında biliklərin genişləndirilməsi;
· Yeni təhdid və çağırışlar fonunda Azərbaycanın milli təhlükəsizliyinin qorunmasının daxili və xarici aspektlərinin araşdırılması;
