Azərbaycan Gənclərinin Avro-Atlantika Təşkilatı Almaniyanın Maqdeburq Universiteti ilə birgə 2005 ci il noyabrın 6-da Azərbaycan Respublikasının Parlamentinə seçkilərlə bağlı “Demokratiya və Seçkilər” adlı layihə həyata keçirmişdir.
Qeyd olunan bu akademik layihə çərçivəsində Almaniyada və eyni zamanda Azərbaycanda bir sıra tədbirlər olmuşdur. Belə ki, oktyabr ayının ortalarından etibarən Təşkilatın sədri, Ziya Qazıyev Almaniyanın adı çəkilən universitetində Azərbaycanın siyasi, iqtisadi vəziyyəti, seçkilər, demokratizasiya, Azərbaycan beynəlxalq aləmdə, neft siyasəti və digər movzularda seminarlar keçirmişdir. Növbəti mərhələ olaraq, həmin universitetin altı nəfərlik müəllim-tələbə heyətinın Azərbaycana səfəri baş tutdu.
Səfər Parlament seçkilərinə bir həftə öncədən həyata keçirildi və seçkilərə qədər olan dövr ərzində Almaniyadan olan iştirakçılar Parlament seçkilərində iştirak edən bir sıra namizıdlər, Azərbaycanın bir sıra dövlət və özəl universitetləri, Azərbaycan Respublikası Xarici İşlər Nazirliyi İnsan hüquqları və demokratizasiya şöbəsi, Azərbaycan Respublikası Gənclər Təşkilatlarının Milli Şurası, və bir sıra digər oxşar institutlarla görüşləri keçirildi.
Sonuncu mərhələ kimi, Azərbaycan Respublikası Mərkəzi Seşki Komissiyası tərəfindən beynəlxalq müşahidəçi qismində akreditə olunmuş qrup Azərbaycan Respublikasının Parlamentinə seçkilərində iştirak etmişlər. Seçkilərdə müşahidələr Bakı şəhərinin Səbail rayonunda və Agdamda aparılmışdır.
