Assambleya işinə YATA-nın Şura iclası ilə başladı və İdarə Heyətinə seçkilərlə davam etdi. Seçkilərin nəticəsi olaraq: Harald Sorud – YATA-nın sədri seçildi( YATA Norveç ).
Günün ikinci yarısında iştirakçılar YATA-nın yaxın gələcəkdə necə işləməsi məsələsini müzakirə etmək üçün müxtəlif qruplara bölündülər. Daha sonra iştirakçılar plenar sessiyada öz yekunlarını təqdim etdilər və bununla da YATA-nın növbəti sessiyası baglı elan olundu.
Həmin gün ATA Baş Assambleyasının Açılış mərasimi də oldu. Estonia ATA-nın sədri cənab İndrek Kannik və ATA-nın sədri, səfir Robert E. Hanterin salamlamasından sonra Norveçin Müdafiə Naziri H.E. Kristin Kron Devolt, Ukraynanın Xarici İşlər Naziri H.E. Boris Tarasyuk, və İctimai Diplomatiya üzrə NATO Baş Katibinin müavini Jan Furnet və digərləri öz çıxışlarını etdilər.
Sonuncu gün ATA Baş Katibi cənab Troel Frölinqin nitqi və ATA nümayəndələri tərəfindən ATA üzvlərinin milli və regional fəaliyyətlərinin təqdimatı olan “ATA Forumu” ilə başladı.
Yekun və bağlanış çıxışları Avropa Komissiyasının vitse prezidenti cənab Sim Kallas və ATA sədri, səfir Robert E. Hanter tərəfindən edildi.
