Bakı Dövlət Universitetində KONFRANS ( İyun 14- 19, 2004 )
26.03.2006
Konfrans Azərbaycan Gənclərinin Avro- Atlantika Təşkilatı tərəfindən martın 1-dən etibarən start verilən məqalə yarışmasının son mərhələsi olaraq aprelin 24-də həyata keçrilmişdir. Məqalə yarışması müxləlif universitetlərin əsas etibarilə Beynəlxalq Münasibətlər və Beynəlxalq Hüquq fakültələrinin tələbələri arasında təşkil olunmuşdur. Tələbələr NATO-nun genişlənməsi, Azərbaycanın Qərb İnstitutlarına İnteqrasiyası, Avropa Birliyinin genişlənməsi, terrorizm və etnik münaqişələr kimi yeni çağırışlar və başqa təklif olunan mövzularda məqalələr təqdim etdilər. Təqdim olunan bütün məqalələr yoxlanılaraq bir neçəsi seçildi və seçilən məqalələrin müəllifləri konfransda çıxış etmək üçün dəvət olundular. Bu konfrans Bakı Dövlət Universitetində ekspertlərin iştirakı ilə tələbələr arasında keçirilən dialoq və ayrı-ayrı məsələlər üzrə müzakirələrdən biri idi. Layihənin əsas məqsədi tələbələrin Avro-Atlantik Təhlükəsizlik şəraiti, transatlantik münasibətlər, Azərbaycanın NATO və Avropa Birliyinə İnteqrasiyası haqqında bilgilərin inkişaf etdirilməsindən ibarət idi. İştirakçılar o cümlədən, iyunun 14-19 da Bakıda Azərbaycan Gənclərinin Avro- Atlantika Təşkilatı tərəfindən təşkil edilən NATO Yay Məktəbində iştirak etdilər.
